![](https://setur.cdn.fo/savn/3485/csm_sissal_5f1a2d9ba5.jpg?width=624&height=350&rmode=crop&s=89xQplatj7HfLv6LAp6DXtPdhFA)
Gransking av málmenning hjá føroyskum børnum verður stuðlað
Sissal Maria Rasmussen úr Havn hevur fingið 1.000.000 kr. játtaðar til at granska málmenning hjá føroyskum børnum.
Sissal er cand.mag. við hjánámi í føroyskum frá Fróðskaparsetrinum og høvuðsgrein í audiologopedi frá Keypmannahavnar universiteti. Talan er um eina ph.d.-verkætlan, og Sissal fer í granskingartíðini at hava arbeiðspláss á Fróðskaparsetrinum. Høvuðsvegleiðari hennara verður Dorthe Bleses, professari á “Center for Børnesprog” á Syddansk Universitet, og hjálparvegleiðari Zakaris Svabo Hansen, málfrøðingur á Føroyamálsdeildini, Fróðskaparsetri Føroya.
Um verkætlanina:
Áhugin fyri fyrstu málmenningini hjá børnum er vaksin nógv tey seinnu árini, og tað kemst serliga av, at tað vísir seg, at granskarar kunnu vísa á samband millum málmenningin, t.d. orðanøgd og málfatan, og hvussu væl børnini seinni duga at lesa.
Ein partur av verkætlanini hjá Sissal er at menna eina føroyska útgávu av teimum sonevndu CDI-foreldrafrágreiðingunum (MacArthur-Bates Communicative Development Inventories). Við støði í hesum frágreiðingum ber til at gera eina skipaða og empiriskt grundaða lýsing av, hvussu føroysk børn menna málið. CDI verður brúkt í fleiri enn 60 londum. Við kanningini ber eisini til at bera saman málmenning hjá føroyskum børnum og børnum í øðrum londum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...