![](https://setur.cdn.fo/savn/5513/granskaradagur.jpg?width=624&height=350&rmode=crop&s=qUcEimJ-AbL-wO_9PpEIuaOrg2g)
Granskingar-seinnapartur
Fróðskaparsetur Føroya (FF), Landssjúkrahúsið (LS) og Deildin fyri Arbeiðs- og Almannaheilsu (DfAA) undirskrivaðu í 2014 samstarvsavtalu. Avtalan hevur millum annað til endamáls at menna heilsuvísindaliga gransking og útbúgving í Føroyum.
Tá Sjúkrakassaskipanin varð avtikin, var avlopspeningur settur í grunn, nevndur Sjúkrakassagrunnurin, ið hevur til endamáls at menna heilsuøkið í Føroyum.
Sum partur av samstarvinum millum omanfyri nevndu stovnar varð Depilin fyri Heilsu- og Almannagransking settur á stovn í 2016 m.a. grundað á avtalu við Sjúkrakassagrunnin um fíggjarligan stuðul upp á 7 mió. kr. til gransking og hægri útbúgving á heilsuøkinum.
Verulig ferð er nú komin á heilsugranskingina í Føroyum og í 2018 komu ímillum 70-80 vísindaligar greinar út í altjóða tíðarritum frá teimum trimum stovnunum, sum mynda Depilin fyri Heilsu- og Almannagransking.
Magni Mohr er leiðari í Deplinum og í stýrinum sita Kasper Kyhl (LS), Maria Skaalum Petersen (FF/DfAA), Pál Weihe (DfAA) og Sigurð í Jákupsstovu (FF).
Hósdagin 10. januar kl. 15.00 skipar Depilin fyri granskingarseinnaparti í Sjóvinnuhúsinum, har føroysk heilsugransking verður løgd fram í stuttum framløgum.
Sí skránna HER
Samband: Magni Mohr, 292270, magnim@setur.fo
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...