![](https://setur.cdn.fo/savn/9023/screenshot-2023-02-07-at-09-55-07-byrjaði-seint-at-súkkla-helgi-endur-vunnið-fimm-fm-heiti-innan-eina-viku.png?width=624&height=350&rmode=crop&bgcolor=fff&format=jpg&s=avCpmajEl2ZrRGO8T1oVkJ2AB9k)
Granskingarverkætlan í Vágs skúla um rørslu
Vágs skúli hevur fingið játtan til eina verkætlan, Ver virkin, sum byggir á granskingargrundaða rørsluátakið, FIT FIRST, ið eisini er partur av ph.d.-verkætlan hjá Helga Winther Olsen á Fróðskaparsetrinum
Í sambandi við verkætlanina fara lærarar í Vágs skúla at útbúgva seg í undirvísingarháttinum FIT FIRST, sum granskarar hava ment til rørsluløtur í skúlahøpi.
Tað eru granskarar frá Syddansk Universiteti, ið hava ment hetta saman við Danska Ítróttasambandinum og serfrøðingum frá 20 ymiskum ítróttum í Danmark.
Allir næmingar í Vágs skúla fara at luttaka í rørsluløtunum, sum verða skipaðar í skúlatíð av ítróttalærarum, soleiðis at flokstrinini hvør í sær hava 3 x 40 minuttir um vikuna. Hetta fer fram í 10 vikur á vári 2023 og aftur í 10 vikur á heysti 2023.
Granskarar frá Setrinum fylgja verkætlanini og kanna, hvønn týdning rørsluátakið hevur fyri rørsluførið og heilsustøðuna hjá næmingunum.
Helgi Winther Olsen er ph.d-lesandi á Fróðskaparsetrinum, og hann fer at standa fyri og skriva ph.d-ritgerð um ætlanina og úrslitini.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...