![](https://setur.cdn.fo/savn/4668/csm_magni_mohr_ab865d400a.jpg?width=624&height=350&rmode=crop&s=yZ1mJaTycf5S0rdddBRrOyTJhkU)
Grein um kropsliga venjing í úrvalsfótbólti í vísindaligum tíðarriti
Magni Mohr er við í nýggjari grein um kropsliga venjing í úrvalsfótbólti í vísindaligum tíðarriti
Magni er ein av rithøvundunum í grein í sertíðarritinum “Science and Medicine in Football”. Greinin ber heitið “The inter-individual relationship between training status and activity pattern during small-sided games in professional male football players”. Kanningin er partur av eini ph.d.-verkætlan í Portugal, har Magni er ein av vegleiðarunum.
Kannaðir eru professionellir italskir leikarar. Endamálið var at kanna sambondini ímillum kropsliga venjingarstøðu og rørslumynstur í smáspølum (small-sided games), umframt arbeiðsprofil í veruligum dystum.
Kanningin vísir, at smáspøl við fáum leikarum eru vælegnað at menna smáu og eksplosivu rørslurnar í fótbólti (t.d. acceleratiónir og deceleratiónir), men ikki skjótleika og há-intensa renning. Kanningin vísir, at kropsligu tillagingarnar av smáspølum í úrvalsfótbólti eru serstakar og raka bert ein avmarkaðan part av øllum tí kropsliga spektrinum í fótbóltsspælinum.
Hetta er fyrsta greinin í ph.d.-verkætlanini hjá portugisiska Vincenzo Rago um sama evni.
Greinin kann lesast HER
Samband: Magni Mohr, mobil 292270, magnim(at)setur.fo
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...