Grein um trygd á sjónum í altjóða vísindatíðarriti
Grein um alduvánir og trygd hjá minni førum á sjónum er í seinastu útgávuni av vísindatíðarritinum Marine Structures. Tveir av rithøvundunum starvast á Náttúruvísindadeildini.
Í nøkur ár hava veðurstovnar brúkt alduvánamodellir til at boða frá um aldu hædd, rætning og perioduna av aldu, sum er beinleiðis orsakað av vindi og av tungari aldu uttan av havi. Seinastu árini hevur ein vaksandi áhugi verið fyri at menna modellir, sum kunnu veita neyvari vánir og boða frá vandasjógvi, sum ikki kann lýsast við siðbundnu parametrunum eina. Í greinini er ein gjøgnumgongd av parametrum og ávaringar vísitølum, sum hava verið í uppskoti og kannaði seinastu árini, við serligum atliti til at menna eina tænastu fyri minni skip og bátar.
Tað eru Bárður A. Niclasen og Knud Simonsen á Náttúruvísindadeildini, sum saman við Anne Karin Magnusson á Norsk Meterologisk Institut, sum hava skrivað greinina. Í greinini eru heilar 155 tilvísingar til vísindagreinar, tøknifrágreiðingar og bøkur, umframt at samskifti hevur verið við starvsfelagaðar á Norsk Teknisk Universitet, ráðgevingarfeløgunum Safetec Nordic og Det Norske Veritas og á veðurstovnunum ECMWF í Onglandi og franska Meteo-France.
Arbeiðið við hesari greinini byrjaði sum partur av PhD-arbeiðinum hjá Bárður A. Niclasen á Náttúruvísindadeildini, ið varð fíggjað av Statoil-bólkinum, og varð gjørt liðugt í einari verkætlan, sum varð stuðlað av Granskingarráðnum og Fiskivinnuroyndir undir Fiskimálaráðinum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...