![](https://setur.cdn.fo/savn/3201/gan_rektari.jpg?width=624&height=350&rmode=crop&s=KMHJbx6OhhcAtyvuhqq6ZkYFaR0)
Gunnvør á Norði vart PhD-ritgerðina
Seinnapartin 11. mars vardi Gunnvør á Norði ritgerð sína “Impact of organic enrichment on the sediment biogeochemistry and overlying water quality in relation to fish farms in Faroese fjords” og kann nú seta PhD-heitið aftanfyri navnið hjá sær.
Ritgerðin hjá Gunnvør á Norði byggir á mátingar, sum hon hevur gjørt á Kalbaksfirði í góðum samstarvi við starvsfólkum hjá alifelaginum p/f Týggjará. Gunnvør hevur havt starvsstað á Havstovuni, og hevur verið innskrivað sum lesandi á Náttúruvísindadeildini á Fróðskaparsetrinum.
Verjan var í hølunum á Vinnuháskúlanum. Fyrst legði Gunnvør fram ein samandrátt av 100 síðu longu ritgerðina, og aftaná svaraði hon uppá spurningar frá anmælingunum. Verjan gekk væl, og dómsnevndin ivast ikki í, at arbeiðið hjá Gunnvør á Norði væl og virðliga var nøktandi til PhD heitið. Í dómsnevndini sótu Dr. Marianne Holmer, biogeokemikari, Instituttleiðari á Syddansk Universitet, Dr. Kenny D. Black, leiðari á Økologi deildini á The Schottish Association for Marine Sciences og Dr. Høgni Debes, lívfrøðingur á Havstovuni og atknýttur lektari á Náttúruvísindadeildini á Fróðskaparsetri Føroya.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...