Lesandi
Starvsfólk
Eyðfinn Magnussen
25.10.2017
Til lesandi Náttúruvísindadeildin
Skriva út

Harutíðin nærkast

Annar november er fyrsti dagur, at loyvt er at skjóta haru, og menn bíða í spenningi at sleppa í hagan. Nú ber til at hoyra ljóðbrotini um føroysku haruna og haruskjóting í Føroyum, sum Kringvarpið hevði mánamorgnar í harutíðini í fjør.


Sjey fylgjandi mánamorgnar, frá 7. november til 19. desember í 2016, var eitt fast innslag í “Góðan Morgun Føroyar”- sendingunum hjá Kringvarpinum um haru og haruskjóting í Føroyum. Fyrst var ein tekstur um føroysku haruna ella haruskjóting í Føroyum lisin. Aftaná ringdi morgunverturin til Eyðfinn Magnussen, fyri at frætta, hvussu hevði gingist við haruskjótingini kring landið tað seinastu vikuna.

Nú ber til at hoyra hesi sjey ljóðbrotini, við at trýsta á leinkini niðanfyri.

  1. Føroyska haran. Lurta her, (4:21 min.)
  2. Haruveiðan í Føroyum og hvussu hon er skipað. Lurta her,(4:04 min.).
  3. Haruveiðan í Føroyum – Hvussu nógv verður skotið og týdningurin av hesum. Lurta her (4:13 min.).
  4. Søla og prísir á haruhøgum. Lurta her, (5:18 min.).
  5. Hvussu leingi livir ein hara? Lurta her. (7:56 min.).
  6. Verður ov nógv skotið? Lurta her, (6:00 min.).
  7. Haruskjóting – Ein mannfólkaítrótt burturav. Lurta her (4:03 min.).


TEKSTIRNIR SAVNAÐIR Í BÓKLINGI

Allir sjey tekstirnir frá innsløgunum í Kringvarpinum eru savnaðir í bóklinginum “Ymiskt um føroysku haruna og haruskjóting í Føroyum”. Bóklingurin er 18 blaðsíður til longdar, og kann takast niður her.

Eisini ber til at lesa allar frágreiðingarnar um úrslitini frá haruveiðuni í Føroyum árini 2012 – 2016.