![](https://setur.cdn.fo/savn/7327/bjørn-kunoy-ssd.jpg?width=624&height=350&rmode=crop&s=R8ookkcVRJpJlWAZq6k-vqtAB0Y)
Havrættarráðstevna í Keypmannahavn
Fríggjadagin 10. mars skipar Fróðskaparsetur Føroya og Københavns Universitet fyri havrættarráðstevnu á juridiska fakultetinum í Keypmannahavn
Nú 40 ár eru liðin, síðani havrættarsáttmálin hjá ST varð gjørdur, skipa Fróðskaparsetur Føroya og KU fyri havrættarráðstevnu. Ráðstevnan verður hildin á juridiska fakultetinum í Njalsgade 76.
Á skránni eru røðarar, sum koma frá universitetum í Europa og USA.
Fyriskipararnir, sum eru Yoshifumi Tanaka, professsari í havrætti á KU, og Bjørn Kunoy, professari í altjóða lóg á Fróðskaparsetri Føroya, fara at ritstjórna eina serútgávu í altjóða tíðarriti við greinum hjá øllum røðarunum. Hetta tíðarritið kemur út í 2024.
Bjørn Kunoy fer at sita í paneli saman við Yoshifumi Tanaka og Antonios Tzanakopoulos, sum er professari í altjóða lóg á University of Oxford.
Slíkar ráðstevnur kosta nógv at fyriskipa, og Fróðskaparsetur Føroya takkar fyri stuðulin, sum Reiðarafelagið hevur latið til fyrireikingarnar av hesi ráðstevnuni.
Skráin fyri ráðstevnuna kann lesast her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...