Heilsuátøk á Sjúkrarøktarfrøðideildini

Áhugaverd heilsuátøk hjá lesandi á 9. eind á Sjúkrarøktarfrøðideildini, hósdagin 30. oktober kl. 10.30-12.00.

Komið er til endan av 9. eind, hvørs endamál er:

• At lesandi skilur, hvønn týdning sjúkrarøkt hevur í samband við fyribyrgjandi og heilsufremjandi tiltøk og ætlanir í heilsuverkinum og í samfelagnum
  
  
• At lesandi fær innlit í, hvønn leiklut sjúkrarøktarfrøðingurin hevur í samfelagsligum høpi viðvíkjandi heilsufremjing og fyribyrging
  
  
• At lesandi mennir førleika til at kunna greina og miðla sjúkrarøktarfakligar spurdómar í samfelagsligum og mentanarligum høpi.

Í hesum sambandi hava lesandi gjørt heilsuátøk sum partur av próvtøkuuppgávu. Heilsuátøkini taka støði í greinum, sum lesandi hava skrivað, sum viðgera sjúkrarøktarfakligan spurdóm innan heilsufremjing og/ella fyribyrging í samfelagsligum høpi. Lesandi hava arbeitt í 6 bólkum við fylgjandi evnum:

• D-vitaminir
• Vetrartunglyndi
• HPV-vaksina
• Krabbamein í prostata
• Sálarlig heilsa
• Eldri og rørsla

Heilsuátøkini eru gjørd út frá omanfyristandandi evnum. Møguleiki er hjá almenninginum at síggja hesi hósdagin 30. oktober kl. 10.30-12.00 í fyrilestrarhølinum í Jónas Broncks gøtu 25.