Heini fer at granska BETA-skjøl og fiskivinnusøgu í nýggjari tíð
- Fiskivinna fyllir nógv í almenna orðaskiftinum í Føroyum. Og mín vón er, at hendan granskingarverkætlanin kann geva fólki og politisku skipanini eitt betri vitanargrundarlag um fiskivinnuna og tær broytingar, sum vinnan og samfelagið hava verið fyri í tíðini eftir seinna heimskríggj, sigur Heini Gaard, sum næstu trý árini fer at arbeiða við ph.d.-ritgerð um føroyska fiskivinnusøgu eftir seinna heimskríggj.
Ein týðandi partur av verkætlanini er at kanna og lýsa virksemið hjá reiðarínum Beta. Eitt skjalasavn, sum er latið Runavíkar kommunu, gevur sjáldsaman møguleika at fáa neyvt innlit í virksemið hjá einum stórum føroyskum reiðaríi og teimum átta sonevndu Kuba-trolarunum.
Heini Gaard er cand. mag. í søgu, filmi og fjølmiðlafrøði. Hann hevur lisið á lærda háskúlanum í Keypmannahavn og skrivaði ritgerð um sonevnda Red Crusader-málið. Síðani aldarskiftið hevur hann arbeitt við journalistikki burturav. Fyrst á Dimmalætting og síðani í Kringvarpinum. Harumframt hevur hann undirvíst á miðnámi í Kambsdali.
Verkætlanin er fíggjað av løgtinginum, og orðað og lýst av Søgu- og samfelagsdeildini í samráði við Mentamálaráðið. Tríggir umsøkjarar vóru til granskingarstarvið.
Heini Gaard fer undir sítt arbeiði 1. januar.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...