![](https://setur.cdn.fo/savn/4347/eg_mynd.jpg?width=624&height=350&rmode=crop&s=B12rrpOueLWWVGoT8ZJTFYzY_VI)
Heini hildið fyrilestur á mannarættindaráðstevnu í Italia
Árlig ráðstevna um religión og mannarættindi varð hildin í seinastu viku á universitetinum í Padova í Italia.
Í seinastu viku varð árlig ráðstevna um religión og mannarættindi hildin á universitetinum í Padova í Italia. Ráðstevnan snúði seg m.a. um mannarættindi í islam, kristindómi og jødadómi. Um yvirgang og kríggið ímóti yvirgangi. Um flóttafólk, integrasjón, valdið hjá miðlunum at vinkla søgur um slík evni og um tær avbjóðingar, sum eru tongdar at einum multikulturellum samfelagi.
Ráðstevnan varð býtt sundur í teoretiskar, løgfrøðiligar og empiriskar framløgur, og millum tey, sum hildu fyrilestur, var Heini í Skorini, sum er ph.d.-lesandi á King’s College, University of London, og sum eisini er knýttur at Setrinum. Heini helt fyrilestur um sína gransking um talufrælsi og religión í einum altjóða samanhangi, og hann legði fram eina diskursanalysu av kjakinum í ST um, hvar mørkini ganga fyri talufrælsinum í mun til blasfemi og religiónskritikk.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...