![](https://setur.cdn.fo/savn/3899/heini_i_skorini_01.jpg?width=624&height=350&rmode=crop&s=4zH-jIpICKuALpBiuJH-ZN6nN-c)
Heini hildið fyrilestur á ráðstevnu í London
Í næstseinastu viku var Heini í Skorini millum tey, sum hildu fyrilestur á árligari ráðstevnu í altjóða politikki, sum King’s College London skipar fyri.
Ráðstevnan varð hildin á einum slotti, Cumberland Lodge, í býnum Windsor beint uttan fyri London.
Hetta er ein ráðstevna, sum gevur bæði royndum granskarum og minni royndum ph.d.-lesandi høvi til at leggja fram. Eftir hvørja framløgu eru spurningar og kjak, har tey ph.d.-lesandi skulu verja síni prosjekt í mun til ástøði, háttalag og fyribils niðurstøður.
Heini skrivar um talufrælsi, sensur og religión í einum altjóða samanhangi, og hann er í gongd við eina diskursanalysu av hesum kjakinum í ST-høpi.
Men tað vóru ikki bara akademikarar og granskarar, sum løgdu fram, tí hvørt ár hevur ráðstevnan eisini fólk við praktiskum royndum frá altjóða politikki. Í ár fingu áhoyrararnir høvi til at hoyra Sir William Patey, sum hevur verið bretskur sendiharri í Sudan, Irak, Saudiarabia og Afganistan, og Sir Nick Parker, sum hevur verið generalur í bretska herinum í m.a. Sierra Leona, Bosnia, Irak, Norðurírlandi og Afganistan.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...