![](https://setur.cdn.fo/savn/3825/heini_i_skorini.jpg?width=624&height=350&rmode=crop&s=ZmXmjcshf6Ksq1s6UXx1Pka-Wa8)
Heini í Skorini saman við heimsins fremstu granskarum
Mitt í august luttóku nakrir av heimsins fremstu granskarum í altjóða mannarættindum á einum seminari í Keypmannahavn, sum Dansk Institut for Menneskerettigheder skipaði fyri.
Seminarið snúði seg um altjóða politikk og mannarættindi við serligum atliti til muslimska heimin og vesturheimin.
Heini í Skorini, sum er innskrivaður ph.d.-lesandi á King´s College London, og sum eisini er tongdur at Fróðskaparsetri Føroya, var millum innbodnu gestirnar á seminarinum. Heini skrivar um religiónskritikk og talufrælsi í einum altjóða samanhangi og hyggur serliga at førda politikkinum hesum viðvíkjandi í tí sonevnda Mannarættindaráðnum í ST, har alskyns lond stríðast um, hvørjar altjóða reglur skulu vera galdandi viðvíkjandi religión og talufrælsi.
Flestu granskararnir á seminarinum eru frá amerikanskum og evropeiskum universitetum, og saman orðaðu tey eitt “manifest” ella eitt tilmæli til felagsskapin fyri heimsins muslimsku lond, OIC (Organization of the Islamic Cooperation), sum telur 57 limalond og er heimsins størsti felagsskapur eftir ST. Tilmælini eru prentað í t.d. stóru turkisku avísini Today´s Zaman, sí leinki her
Hetta nýggja netverkið av altjóða granskarum samstarvar nú um aðrar verkætlanir, eitt nú eina ráðstevnu í Istanbul á sumri í 2014.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...