![](https://setur.cdn.fo/savn/4538/csm_heini-i-skorini-ph-d_fdb0a4a023.jpg?width=624&height=350&rmode=crop&s=HS8DVMWDkOD6eizC8Ypaifnaiuw)
Heini í Skorini vart p.hd. á King's College
Handan háfloygdu ástøðini, er ritgerðin í veruleikanum um fólk, sum gjalda hægsta kostnaðin fyri at hugsa og tosa frítt, sigur Heini í Skorini
Fríggjadagin 5. mai vardi Heini í Skorini ph.d.-ritgerð sína um altjóða politikk á Department of War Studies á King’s College, University of London.
Heini í Skorini hevur kannað søguna og korini hjá talufrælsinum í ST høpi og hvussu rætturin til frít at siga sína hugsan um trúarviðurskifti er undir áhaldandi og skipaðum álopi, eisini í 2017. Granskingartilfarið fevnir um fleiri enn 1000 skjøl úr søvnum hjá ST og Wikileaks-dátugrunnin, umframt umleið 25 samrøður við ST sendifólk og diplomater úr Asia, Miðeystri, Norðurafrika, Europa og USA.
Heini í Skorini sigur um ritgerðina:
- Handan háfloygdu ástøðini er ritgerðin í veruleikanum um fólk, sum gjalda hægsta kostnaðin fyri at hugsa og tosa frítt. Hóttanir, fongsul, píning, forfylging og deyða. Av og á má ein minnast til, at frælsi ikki er ein sjálvfylgja; at frælsi er ein søgulig parentes, sum skal verjast.
Heini í Skorini hevur verið innskrivaður á King’s College, men hevur eisini verið knýttur at Fróðskaparsetrinum, meðan hann hevur arbeitt við ph.d.-ritgerðini. Høvuðvegleiðari var Viviene Jabri, professari í altjóða politikki á Department of War Studies, King's College.
Opponentarnir til verjuna vóru Karin Fierke, professari á University of St. Andrews, og Katerina Dalacoura, professari á London School of Economics.
Verjan fríggjadagin gekk sera væl.
Verkætlanin kallaðist: ”Human Rights Language as a Double-Edged Sword: Examining the Clash on Freedom of Expression and Defamation of Religions in the UN System”. Hon er fíggjað úr Granskingargrunninum og av Fróðskaparsetrinum.
Les um Heina í Skorini í Heilagrunninum.
Á ovaru myndini eru frá vinstru: Karin Fierke, Viviene Jabri, Katerina Dalacoura og Heini í Skorini.
Kelda: www.gransking.fo
![](/fileadmin/_processed_/4/7/csm_Jyllandsposten_motmaeli_2_b9cf19f0e8.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...