![](https://setur.cdn.fo/savn/3701/herring_sampling.jpg?width=624&height=350&rmode=crop&s=hl5nyVP44vASSRQylhNOcBT2_h8)
HerMix sildaverkætlanin liðug
Sjey granskingarstovnar og vinnufyritøkur í Íslandi, Føroyum, Noregi og Danmark tóku seg saman fyri at kanna sildina í Norðuratlantshavinum frá 2009 til 2012
HerMix verkætlanin 2009-2012
Í sambandi við sildafiskiskapin í Norðureysturatlantshavi hava sjey granskingarstovnar og vinnufyritøkur í Íslandi, Føroyum, Noregi og Danmark tikið seg saman fyri at kanna sildina í Norðuratlantshavinum. Høvuðsendamálið við kanningunum var í fyrsta lagi at menna genetiskar markarar, so til ber at DNA-eyðmerkja sildastovnarnar og harvið minka um vandan at ovurfiska einstakar stovnar, ið eru illa fyri, og í øðrum lagi at skipa fiskiskapin soleiðis, at meiri fæst burturúr fíggjarliga. Ætlanin var at nýta genetiskar markarar, kallaðir microsatellittar. Hesir markararnir vístu seg ikki at hava nóg stóran sundurgreiningarmátt til at skilja millum teir stóru havbeitandi sildastovnarnar. Aðrar rannsóknir, umfatandi kanning av vakstrarferð og greining av nytruáringum, vístu tó greiðan mun millum ávísar sildastovnar. Tey reiðiliga 4500 savnaðu sildagrundsýnini verða í næstum nýtt til at menna eitt nýtt slag av markarum. Hesir nýggju markararnir kallast SNP-sar (úttalað: snipsar. SNP: Single Nucleotide Polymorphism), ið verða mettir at hava størri sundurgreiningarmátt enn microsatellittar.
Føroysk luttøka
Náttúruvísindadeildin á Fróðskaparseturi Føroya og Havstovan luttøku virkin í HerMix sildaverkætlanini. Luttikið varð í arbeiðinum at fáa til vega fígging, savna sýni og greina sýnini.
Kostnaður
Samlaði kostnaðurin av verkætlanini var 2,5 milliónir Dkr. Føroyski fíggingargrunnurin Fiskivinnuroyndir stuðlaði verkætlanina fíggjarliga við 200.000 Dkr, og AG-fisk hjá Norðurlendska Ráðharraráðnum (NMR) við 900.000 Dkr. AG-fisk er ráðgevandi vísindabólkur hjá NMR. Uttan fæ, eingin verkætlan. Takkað verður fyri fíggjarliga styrkin.
Stuttur føroyskur úrdráttur av verkætlanin kann lesast her
Øll verkætlanarfrágreiðingini á enskum máli kann lesast her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...