![](https://setur.cdn.fo/savn/4549/csm_gaini_grein_enterococcus_bacteria_fa371946bb.jpg?width=624&height=350&rmode=crop&s=D1_doD7V-Wzib-HjjxvHXtJbB6U)
Høvuðskeldan til multiresistentar VRE enterokokkar í Føroyum er í Keypmannahavn
Í nýggjari vísindaligari grein verður staðfest, at talið av tilburðum av multiresistentum bakterium funnar á donskum sjúkrahúsum veksur skjótt og at flest tilburðir eru á sjúkrahúsunum í høvuðstaðarøkinum
Niðurstøðan er gjørd av granskingareind, sum Medisinsk Granskingareind á Landssjúkrahúsinum er ein partur av saman við Statens Serum Institut. Shahin Gaini, yvirlækni og ph.d. er við í granskingareindini og ein av høvundunum.
Granskingin hevur við heilgenomsekventering staðfest, at bakteriur, sum eru funnar í Føroyum mest sannlíkt stava frá Keypmannahavn og HS sjúkrahúsunum í høvuðstaðarøkinum.
Hetta eru sjúkrahúsini, sum føroyska heilsuverkið samstarvar mest við. Hesi sjúkrahúsini hava stórar avbjóðingar av resistentum bakterium, millum annað VRE, Clostridium difficile og ESBL.
Tey stóru universitetssjúkrahúsini uttanfyri Keypmannahavn sum Odense Universitetshospital, Aarhus Universitetshospital og Aalborg Universitetshospital hava higartil ikki havt líka stórir trupulleikar við multiresistentum bakterium, sum mann veit um.
Føroyskir sjúklingar hava helst í nógvum førum fingið multiresistentar bakteriur við aftur úr Keypmannahavn. Haðani eru bakteriurnar spjaddar víðari lokalt í Føroyum.
Hóttanirnar frá multiresistentu bakterium eru í fokus á NSCMID 2017 ráðstevnuni (Nordic Society of Clinical Microbiology and Infectious Diseases), sum verður í Føroyum í august-september 2017. Shahin Gaini er forseti fyri NSCMID 2017
Greinin er útgivn í Journal of Antimicrobial Chemotherapy, kallast “Emergence of vanA Enterococcus faecium in Denmark, 2005–15” og kann lesast her
Mynd: Enterococcus bacteria. PASIEKA/Getty Images
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...