![](https://setur.cdn.fo/savn/4524/csm_rotta_brun_b547e0b8a2.jpg?width=624&height=350&rmode=crop&s=7LcdsfcVJhzIot6E9faaUkG5boQ)
Hvaðani kom rottan til Føroya?
Í Góðan morgun, Føroyar! heitti Eyðfinn Magnussen á lurtarar um at senda sær rottur, so hesin spurningurin kann svarast
Brúna rottan - eisini kallað norska rottan ella ferðarottan - kom til Evropu úr Asia í fyrru helvt av 1700-talinum og til Føroya í 1768.
Men hvaðani kom hon til Føroya, og hvussu hevur hon spjatt seg kring landið? Hetta eru spurningar, ið hava upptikið Eyðfinn Magnussen í eina tíð. Meginlykilin til at svara hesum spurningum eru ílegukanningar.
Seinastu 7-8 árini hevur hann tikið DNA-royndir av rottum, og hesar royndir geva nakrar ábendingar, men eru ov fáar til at geva álítandi svør. Tí hevur hann – og granskingarfelagar aðrastaðni í heiminum – brúk fyri fleiri DNA-royndum.
Í morgun var Eyðfinn Magnussen frá Náttúruvísindadeildini í Góðan morgun, Føroyar! har hann greiddi frá granskingarevninum og heitti á lurtararnar um at senda sær rottur, serliga úr Eysturoynni ...!
Hoyr samrøðuna við Eyðfinn Magnussen.
Les um brúnu rottuna.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...