![](https://setur.cdn.fo/savn/4380/huawei.jpg?width=624&height=350&rmode=crop&s=56ksOAOCtof0FP7siFpOnxRba10)
Hvør KT-verkfrøðilesandi skal til Kina?
Í dag fer Vodafone at avdúka, hvør KT-verkfrøðilesandi er kosin at fara til Kina í starvsvenjing hjá Huawei
Vodafone og Huawei góvu herfyri einum KT-studenti á Fróðskaparsetri Føroya møguleikan at fara í starvsvenjing í Kina.
Áhugað skuldu søkja, og nú hava Vodafone og Huawei gjørt av, hvør setursstudentur tað verður, sum skal til Kina í summar saman við studentum úr øðrum evropeiskum londum.
Navnið verður avdúkað á setursskrivstovuni (rektaraskrivstovuni) kl. 15.00 í dag (sonevndi ‘grótbygningurin’ – niðan frá Landsbókasavninum og við síðuna av Heilsufrøðiligu Starvsstovuni). Adressan er J. C. Svabos gøta 14.
Rektarin, Sigurð í Jákupsstovu, bjóðar væl komin, áðrenn Bárður Nielsen, stjóri á Vodafone, avdúkar, hvør vinnarin er og formliga handar heiðurin.
Til staðar verða eisini Hannes Gislason, professari og útbúgvingarleiðari í KT-verkfrøði, og Xin Qin, professari.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...