![](https://setur.cdn.fo/savn/3908/barnatekning.jpg?width=624&height=350&rmode=crop&s=KGzLtlyMKwur9crwlyzgTKZjxqk)
Hvørji eru fyrstu orðini føroysk børn duga at siga?
Hetta verður kannað í ph.d-verkætlan á Føroyamálsdeildini, sum Sissal M. Rasmussen stendur fyri.
Ætlanin er at fáa yvirlit yvir, hvussu føroysk børn mennast málsliga og í hesum sambandi fáa øll foreldur, sum eiga børn, sum eru millum 8 mánaðir og 36 mánaðir og búgva í Føroyum, eitt spurnarblað sendandi í viku 12.
Spurnarblaðið, sum er umsett og tillagað til føroysk viðurskifti, kallast MacArthur-Bates Communicative Development Inventory (CDI). Eitt spurnarblað er til tey smærru børnini, sum kallast Orð og keipur og eitt til tey størru børnini, sum kallast Orð og setningar. Við støði í hesum ber til at gera eina empiriskt grundaða lýsing av, hvussu føroysk børn mennast málsliga. CDI verður brúkt í nógvum øðrum londum og við hesum fer at bera til at samanbera málmenning hjá føroyskum børnum og børnum í øðrum londum.
Fyrra innsavningarumfar var í juni í fjør. Tá var luttøkan framúr góð og nú 2. umfar av innsavningini fer í gongd, er tað við vónini um, at foreldrini fara at vísa somu vælvild hesa ferð.
Fyri at lesa meira um kanningina trýst her
Onnur leinki:
Norska kanningin
Kanning í New Zealandi
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...