![](https://setur.cdn.fo/savn/5856/som.jpg?width=624&height=350&rxy=0.5,0.5&rmode=crop&s=Y__tbxM8fADWRuKSMHTMLajDQ4k)
Hvussu er tað at vera fuglur?
Týskvøldið hin 28. mai kl. 19 verður forkunnugur fyrilestur í Kongshøll við bretska professaranum Tim Birkhead frá universitetinum í Sheffield.
Tim Birkhead hevur ph.d. í lívfrøði og er víðagitin høvundur, vísindamiðlari og granskari í fuglafrøði. Við sínum drúgvu granskingarroyndum og frálíku evnum at miðla gransking á ein viðkomandi hátt gevur hann lesarum og áhoyrarum eitt heilt serstakt innlit í fugl og fuglalív. Ein tann kendasta bókin hjá honum, Bird Sense: What It’s Like to Be a Bird, gjørdist New York Times bestseljari og hevur vunnið fleiri heiðurslønir. Heitið á hesi bók verður eisini yvirskriftin á fyrilestrinum í Kongshøll týskvøldið.
Eldhugin og førleikarnir, ið Tim Birkhead hevur sum vísindafólk og fyrilestrarhaldari, síggjast eitt nú í einum TED-fyrilestri hansara, og lagt er upp til ein spennandi fyrilestur í Kongshøll í Sjóvinnuhúsinum fyri øll fugla- og vísindaáhugað. Skipað fyri tiltakinum hava Føroya Fróðskaparfelag og Føroya Fuglafrøðifelag.
Fyrilesturin verður á enskum og er ókeypis. Gjørligt verður at keypa bókina Bird Sense aftan á framløguna.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...