![](https://setur.cdn.fo/savn/3172/fmd_okt_2010_isl.jpg?width=624&height=350&rmode=crop&s=azXl_WQss0pjlcK7R4VpYU1LXMQ)
Íslendsk vitjan á Føroyamálsdeildini
Hesa vikuna eru fimm málfrøðingar frá Háskóla Íslands á arbeiðsvitjan á Føroyamálsdeildini at gera rannsóknir í føroyskari setningsgerð.
Teir hava fingist við hesar rannsóknir undanfarin ár, serstakliga við samanburði millum íslendskt og onnur norðurlandamál í huga.
Gjørdar eru tvær stórar yvirlitskanningar um alt landið í samstarvi við føroyskar málfrøðingar og lesandi og harumframt hava málfrøðingarnir gjørt samrøður við ein hóp av einstaklingum.
Høvuðsniðurstøðan tykist vera tann, at ikki er stórur landafrøðiligur munur á setningsgerð í Føroyum og munurin er munandi minni enn í framburði og bending. Ávísur munur sæst tó í aldri.
Málfrøðingarnir hava sagt frá niðurstøðum sínum á ymsum ráðstevnum, m.a. á Frændafundi í Íslandi í august. Vónandi verða onkrar niðurstøður kunngjørdar í Føroyum um stutta tíð, tí hetta er allarhelst seinasta vitjanin hjá íslendingunum í hesum viðfangi.
Í sambandi við kanningarnar og samrøðurnar, sum hava verið gjørdar hesa tíðina, verður happadráttur hósdagin 14. oktober og har hava øll tey, sum hava verið heimildarfólk í kanningunum, møguleika at vinna flogferð til Íslands, gisting á Hotel Føroyum ella vinna stóru íslendsku-føroysku orðabókina.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...