Junior Kids aftur First Lego League-meistara
Leygardagin vann Junior Kids av Skála Føroysku First Lego League kappingina triða árið á rað. Næsti kappingarneytin vórðu Buldribassararnir, eisini av Skála.
Kringlan í høvuðssætinum hjá Føroya Tele í Hoyvík var leygardagin karmur um Føroysku First Lego League kappingina, 2009. Kappingin í Føroyum er ein av 39 kappingum, sum vórðu um alt Skandinavia leygardagin. Vinnararnir av hesum dømiskappingunum møtast í Norðurlensku First Lego League finaluni, sum verður í Eskiltuna í Svøríki tann 28. novembur. 10 lið vórðu tilmeldaði til føroysku kappingina.
"Smart Move"
Evnið í ár var "Smart Move", sum í stuttum er um, hvussu vit flyta fólk, lutir, tíðindir o.a. á ein spennandi og effektivan hátt, sum samstundist eisini er umhvørvisvinarligur. Í hesari kappingini verða heiðurslønir, sum eru legosteyp, givin fyri besta innlit, framførslu, samstarv, tøknisniðgeving og fyri finaluplássini í sjálvari robotkoyrikappingini, umframt at allir luttakararnir fáa heiðursmerki fyri at verða við. Føroyameistari er tað liðið, sum ger tað best í allari kappingini.
Legofebur á Skála
Triða árið á rað vann bólkurin Junior Kids av Skála. Í robottkappingini megnaðu teir at fáa fult stigatal, 400 stig, í tí einu koyringini, og samanlagt høvdu teir eitt deilt 3 pláss í allari Skandinavisku kappingini leygardagin. Næstur teimum var hin bólkurin av Skála, Buldribassarnir.
Fyrsta lego-steypið til Suðuroyar
Liðið Team Suður av Tvøroyri tryggjaði fyrsta First Lego League steypið til Suðuroynna, tá dómaranir dómdu teir til at sýna besta innlit í "Smart Move" við teirra framløgu í ástøði.
Tillukku
Náttúruvísindadeildin ynskir øllum luttakaranum og vinnaranum hjartaliga tillukku við avrikinum leygardagin, og vónar at síggja fleiri av teimum í skarðanum av lesandi innan tøkni og náttúruvísindini um nøkur ár. At evnini eru til staðar er eingin ivi um, - tað vístu luttakararnir so dyggiliga leygardagin.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...