![](https://setur.cdn.fo/savn/4419/csm_rektarrin_og_kjk_7f7ceed4d1.jpg?width=624&height=350&rmode=crop&s=o5sjmFQTED3QmCgKJNL5v6x1XME)
Karin Jóhanna fingið ph.d.-heitið
Hetta er triðja ph.d.-heitið á Setrinum í ár
Seinnapartin í dag vardi Karin Jóhanna Leitisstein Knudsen ph.d.-ritgerð sína 'Fending for Yourself - Women’s migration between the Faroe Islands and Denmark' – um konur, ið mugu flyta av landinum fyri at fáa umstøður at klára seg sjálvar.
Verjan byrjaði klokkan 13, og reiðiliga tríggjar tímar seinni kundi Bo Elling, ið stóð fyri verjuni, boða Karin Jóhonnu og áhoyrarunum frá, at metingarnevndin var komin til ta niðurstøðu, at verjan var viðurkend. Sostatt kundi Sigurð í Jákupsstovu, rektari, handa Karin Jóhonnu skjalið, ið staðfestir, at hon er ph.d.
Eftir at Karin Jóhanna hevði havt sína framløgu, komu teir tríggir andmælingar hvør eftir annan við sínum viðmerkingum og spurningum. Yvirhøvur høvdu teir rósandi orð og hildu, at talan var um eina áhugaverda ritgerð um eitt sera viðkomandi evni.
Andmælingarnir høvdu tó eisini kritiskar spurningar og Karin Jóhanna fekk seg roynda. Tá ið andmælingarnir komu aftur úr einrúmi staðfesti Kristine Juul, at metingarnevndin var komin til ta niðurstøðu, at ph.d.-kandidaturin hevði skrivað eina so góða ritgerð og hevði svarað so væl fyri seg, at hon átti á fáa ph.d.-heitið.
Karin Jóhanna Leitisstein Knudsen er triðja starvsfólki á Setrinum sum ár fær ph.d.-heiti. Undan henni hva verið Gro Gade Haanes og Hans Andrias Sølvará.
![](/fileadmin/user_upload/news/Vegl_andmael_KJK.jpg)
![](/fileadmin/user_upload/news/KJK_ahoyrarar.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...