![](https://setur.cdn.fo/savn/5806/uni-gl.jpg?width=624&height=350&rmode=crop&s=2CZy_TAygPJU0spk_QDdNYJ_yt4)
Kavi og kyn í mars
Frá miðjum mars til miðjan apríl undirvísti Malan Marnersdóttir, professari, á deildini fyri mál, bókmentir og miðlar á Ilisimatusarfik, universitetinum í Nuuk í Grønlandi.
Talan var um eitt evnisskeið fyri bachelorlesandi á triðja ári og kandidatlesandi, og evnið var kyn í føroyskum og grønlendskum bókmentum. Lisnar vóru ástøðiligar greinir eftir Simone de Beauvoir, Elaine Showalter og Judith Butler, R. Connell, Pierre Bourdieu og Firouz Gaïni. Skaldsligu verkini vóru eftir Jørgen-Frantz Jacobsen, Jóanes Nielsen, Oddvør Johansen, Katrina Ottarsdóttur, Steintór Rasmussen, Niels Lynge, Otto Stenholdt og Niviaq Korneliussen. Øll skaldsligu verkini vóru lisin í danskari týðing eins og undirvísingin fór fram á donskum.
Danskt er nógv meira at hoyra í Grønlandi enn í Føroyum, ikki bara í býnum, men eisini á Ilisimatusarfik, har tey ikki enn hava nóg nógv útbúgvið fólk at taka sær av útbúgvingunum. Umframt grønlendingar og danir eru eisini fólk úr Svøríki, Týsklandi og Føroyum í starvi á grønlendska universitetinum. Útlendingarnir hava í boði at læra seg grønlendskt á skeiði, sum stovnurin skipar fyri. Eins og Malan eru javnan fólk frá universitetum í grannalondunum og undirvísa styttri tíðarskeið á Ilisimatusarfik. Malan hevur verið ein av teimum síðani 1995.
Nuuk kommuna gagnnýtti tann nógva kavan og kuldan í mars til at skipa fyri kava-standmyndakapping á havnarlagnum. Økið læt upp ein hósdag og sunnudag seinnapart vóru vinnarar valdir í tveimum bólkum alt eftir um myndevnið var naturalistiskt ella abstrakt. Myndirnar eru frá: Sermersooq
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...