![](https://setur.cdn.fo/savn/4324/ivan_kolpakov.jpg?width=624&height=350&rmode=crop&s=LLed7STiTReuJ0DaDj0EAYXkUIg)
Knúsa russiska propagandamúrin
Miðlaportalurin Meduza stríðist fyri tali- og skrivifrælsinum í Russlandi. Týskvøldið 15. mars kl. 19.00 verður í stjórin á Meduza, Ivan Kolpakov, í Norðurlandahúsinum, har hann fer at greiða frá um gongdina í Russlandi undir Putin og um stríðið hjá Meduza
- Tað vit stríðast fyri, er tali- og skrivifrælsi í Russlandi.
Tað sigur Ivan Kolpakov, stjóri í Meduza, ið er ein russiskur miðlaportalur í útlegd. Í 2014 rýmdu umleið 20 fólk úr Moskva til Riga í Letlandi, og settu eina frælsa russiska pressu á dagsskránna.
Í dag hevur Meduza 4 mill. vitjandi um mánaðin. 70 prosent av teimum eru úr Russlandi. Men hvønn dag liva tey við hóttanini um, at Putin trýstir á STOPP-knøttin og tíðindaheimasíðan verður læst fyri fólki í Russlandi.
Ivan Kolpakov lýsir gongdina í Russlandi undir Putin, um propagandamúrin, sum Putin hevur sett upp í Russlandi.
Í Norðurlandahúsinum týskvøldið 15. mars kl. 19. Ókeypis atgongd.
Tað er VITSKA, ið skipar fyri. VITSKA er afturvendandi tiltak, sum Norðurlandahúsið og Fróðskaparsetrið skipa fyri.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...