![](https://setur.cdn.fo/savn/2887/horaldur_01.jpg?width=624&height=350&rmode=crop&s=s_U7YgzMbXBqMqULdxy_z-mzenc)
Kom út úr Vitatorninum
Vísindafólk hava gjøgnum tíðirnar ofta verið uppfatað sum serlingar, sum sita einsamallir í sínum avbyrgda vitatorni úti á ytsta skeri.
Søguliga hevur tað loyst seg, at maktin og vitanin var høgt hevjað yvir tað vanliga fólkið, men tíðirnar eru broyttar, og í dag er eitt høgt vitanarstøði millum fólk fortreytin fyri einum modernaðum samfelagi. Øll eiga at hava atgongd til vitan, men tað kann kennast ringt at koma út úr vitatorninum og greiða frá, hvat man arbeiðir við sum vísindafólk.
Ein, sum hevur verið sera áhaldandi, og hevur hepnast við at koma út úr vitatorninum, er Hóraldur Joensen. Aftaná Kveikingarfundin var prát við Hórald í útvarpinum. Hann segði, at tað er ov vánaligt, at vit kasta livur og rogn aftur í havið í Føroyum og forkoma týdningarmikla rávøru, sum kann geva milliardir av krónum til landið. Hetta setti gongd í kjak, sum kanska fer at broyta hesa skilaleysu gongd.
Við áhaldandi at taka lut í samfelagskjakinum kanst tú gera mun. Soleiðis verður Fróðskaparsetur Føroya kent millum manna, og eyguni verða latin upp fyri tí týdningarmikla arbeiði, vit gera her. Hetta kemur bæði okkum og samfelagnum til góðar í longdini.
Fróðskaparsetrið hevur tikið týdningarmikil stig til at fáa vitan út til fólkið. Nevnast kann “Setrið á ferð” og “Speki”, og ikki at gloyma øll tey, sum hava skrivað greinir í bløðunum. Alt hetta er við til at bróta múrar niður og gera vitan til almenna ogn, samstundis skapar hetta vælvild mótvegis Fróðskaparsetrinum. Hetta er eitt øki, sum vit kunnu menna nógv meira, men vit hava tikið nøkur stig á røttu leið.
Les greinir hjá Hórald Joensen:
Barnakonur.pdfEg_eri_skelka__ur_1.pdf
Eg_eri_skelka__ur_2.pdf
Foeroyski_granskingargre__ingurin_gneggjar_gorhungra__ur_eftir_gjaldfoeri.pdf
Lensiportur.pdf
Livur_kemur_ikki_i_land.pdf
NN_Faereyjar.pdf
OE__rvisi_trolvei__a.pdf
Val_av_matitolum.pdf
Ovveida.pdf
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...