![](https://setur.cdn.fo/savn/7521/ku-det-humanistiske-fakultet-2.jpg?width=624&height=350&rmode=crop&s=C65zphkfiVWaZT9ADSqYyytO7no)
KU søkir eftir ph.d.-lesandi í føroyskari ferðavinnu
Ph.d.-skúlin á Humanistiska fakultetinum á KU søkir eftir fólki við áhuga í at lesa ph.d. í aktuellum føroyskum viðurskiftum á Institut for Nordiske Studier og Sprogvidenskab (NorS) frá 1. september 2021
Ph.d.-starvið er, eins og eitt lektorat, fíggjað av donsku fíggjarlógini við tí tvíbýtta endamálinum at styrkja føroyska útbúgvingar- og granskingarøkið á Humanistiska Fakultetinum á KU og skapa sterkari og meira bindandi samstarvssambond millum fakultetið og Fróðskaparsetur Føroya.
Bergur Rønne Moberg er settur í umrødda lektarastarvið frá 1. apríl, og hann er tí farin í farloyvi frá Føroyamálsdeildini. Bergur Rønne Moberg arbeiðir í løtuni saman við øðrum á KU við at fyrireika eina talgilda masterútbúgving millum Setrið og KU við arbeiðsheitinum, "Digital Collaboration. Empowering the local to solve business cooperation."
Ph.d.-starvið, sum KU nú lýsir við, hevur føroyska ferðavinnu sum granskingarevni.
Tann ph.d.-lesandi skal kanna skjótt vaksandi ferðavinnuna í Føroyum og hennara mongu møguleikar og íbygdu avbjóðingar. Burðardygd verður í lýsingini av starvinum nevnt sum eitt lyklaorð.
Umsóknarfreistin er 31. mai klokkan 23.59.
Lesið meira her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...