Kunningartiltak á Østrøm
Hóskvøldið 28. februar kl. 19 verður skipað fyri kunning um útbúgvingarnar á Setrinum á Østrøm
Fríggjadagin 15. mars er umsóknarfreist til at søkja inn til lestur á Fróðskaparsetur Føroya eftir kvotu 2.
Kvota 2 er møguleikin hjá teimum, har miðaltalið í gymnasiala miðnámspróvnum ikki er nóg gott ella har umsøkjari hevur annað javngott prógv á sama stigi ella hægri. Tá verða eisini aðrir førleikar enn gymnasialt miðnámsskúlaprógv tiknir við í metingina.
Í hesum sambandi verður skipað fyri kunning um útbúgvingarnar. Í Havn verður kunning hóskvøldið 28. februar kl 19 við almennum tiltaki á Østrøm. Her fáa fólk høvi at hoyra nærri um útbúgvingarmøguleikar á Setrinum til heystar. Í ár er møguligt at søkja inn á 7 ymiskar útbúgvingar á Setrinum. Hesar eru:
• Lærari
• Námsfrøði
• Sjúkrarøktarfrøði
• Sosialvísindi og samfelagsplanlegging
• Politikkur og umsiting
• Søga
• Føroyskt
Altjóða Skrivstovan á Fróðskaparsetri Føroya luttekur eisini við kunning um kvotu 2 umsóknir til upptøku til lestur í Danmark.
Setrið bjóðar okkurt leskiligt og lesandi av tónleikalinjuni á Námsvísindadeildini fara at undirhalda við tónleiki.
Nærri kunning um upptøku 2013 og útbúgvingarnar eru at finna á setur.fo.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...