Læring í støddfrøði er ymisk við og uttan talgild amboð
Louise Meier Carlsen hevur kannað fellurnar við at brúka telduamboð í samband við at læra grundleggjandi algebra-strukturar
Í eini serútgávu av tíðarritinum EMP hevur Louise Meier Carlsen grein, har hon hevur kannað møguleikarnar og fellurnar við at brúka algebra-telduamboð, CAS, í hádeildini í fólkaskúlanum. Greinin er grundað á kanningar í Føroyum.
Spurningarnir, sum verða granskaðir, eru, hvørjir algebraførleikar verða kannaðir í endaligu skrivligu próvtøkuni í støddfrøði í 9. flokki, og hvussu hesir høvdu verið broyttir, um algebra-telduamboð vóru loyvd til próvtøkurnar. Hetta verður gjørt við at kanna allar próvtøkuuppgávur seinastu 10 árini í mun til, hvørjir førleikar eru neyðugir fyri at loysa uppgávurnar bæði við og uttan symbol-amboð.
Samanberingin bendir á, at tað eru grundleggjandi algebra-strukturar, sum ikki verða lærdir, um næmingarnar áhaldandi brúka algebra-telduamboð til próvtøkuuppgávurnar.
Greinin kallast “What algebraic knowledge may not be learned with CAS -a praxeological analysis of Faroese exam exercises” og kann frítt lesast her
Louise Meier Carlsen er ph.d.-lesandi og adjunktur í støddfrøðididaktikki á Náttúruvísindadeildini á Fróðskaparsetrinum. Ph.d.-verkætlan hennara er stuðlað av Granskingarráðnum.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...