![](https://setur.cdn.fo/savn/2929/img_5376.jpg?width=624&height=350&rmode=crop&s=B1pZdBlglAPTOW2S_GEklW_dadI)
Les føroyskt
Nógv er at gera hjá fólki, sum hava prógv í føroyskum av Fróðskaparsetrinum.
Eftirspurningurin eftir fólki at skriva og umseta lýsingar fer at økjast, nú marknaðarføringarlóg er samtykt, sum krevur at allar lýsingar, sum eru ætlaðar almenninginum, skulu vera á føroyskum.
Skapandi málførleiki, sum byggir á kunnleika um, hvussu føroyska málið er skipað, og hvussu tað virkar, fer at verða nýtt í størri mun enn higartil í kappingini um kundarnar. Virki og handlar fara uttan iva at leggja doyðin á at fáa lýsingarnar væl og lokkandi orðaðar.
Á Føroyamálsdeildini fæst útbúgvingin, sum er grundarlagið undir framkomnum og skapandi málburði. Bachelorútbúgvingin veitir ta grundleggjandi vitanina um føroyskt. Í grundútbúgvingini tey bæði fyrstu árini er endamálið at læra, hví málið er, sum tað er, og hvussu tað verður og kann verða nýtt kreativt.
Triðja árið kunnu studentarnir velja frítt millum lærugreinir sum m.a. týðing, bókmentir, málslig og teoretisk evni. Harafturat ber til at fara at lesa á universitetum uttanlands og fáa lesturin góðskrivaðan á Setrinum.
Hevur tú hug til at arbeiða við málinum, skrivliga og munnliga átti tú at lisið føroyskt. Umsóknarfreistin er 1. juli.
Umsóknarblað er at finna her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...