![](https://setur.cdn.fo/savn/2932/csm_lesturfo_b5c1247bfc.jpg?width=624&height=350&rmode=crop&s=BX3QSDZrHTKcUsGXcc1HNRyiCZU)
Les føroyskt 3
Gott lestrarumhvørvi
Tað er stuttligt at lesa føroyskt. Studentarnir á Føroyamálsdeildini plaga at trívast stak væl á deildini. Serliga stóra loftsstovan, har gott pláss er at borðreiða og skipa fyri ymsum, verður altíð skjótt tilhaldsstað hjá studentunum. Umframt køk við øllum hentleikum er sjálvandi tráðleyst netsamband í húsinum og teldur í teldustovu, harumframt ber eisini ber til at prenta og kopiera.
Á bókasavninum á deildini eru allar føroyskar fagrar bókmentir, eitt úrval av føgrum bókmentum á donskum, íslendskum, norskum og svenskum umframt týddar heimsbókmentir. Yrkisbøkurnar eru um alt tað, sum verður viðgjørt og lært á deildini. Allar yrkisbøkur, sum eru komnar út á føroyskum síðani Setrið varð stovnað í 1965, eru til taks á deildini.
Eitt tað virðismiklasta í landinum er á Føroyamálsdeildini: Orðasavnið, sum er næstan 600.000 pappírsseðlar. Hvør seðil við einum orði, har tað verður lýst og merkingin skrivað. Harumframt er stórt ljóðbandasavn við kvøðing og frásagnum. Deildin hevur eisini eitt umfatandi savn av kortum og myndum við staðanøvnum. Alt hetta er støði undir granskingini í máli og bókmentum, sum fer fram á deildini.
Lestrarumhvørvið á Føroyamálsdeildini er lítið, men afturfyri í fínasta lagi. Deildin kundi hugsað sær rúm¬ligari umstøður, men hon er væl útgjørd við undirvísingartøkni og tílíkum. Ein annar fyrimunur er, at undirvísingin fer fram mitt inni í granskingarumhvørvinum. Lærararnir eru beint við hondina, teir eru altíð til reiðar at svara spurningum og avtala nærri um neyvari leiðbeining.
Les føroyskt 1 og 2
eru at finna á www.setur.fo
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...