![](https://setur.cdn.fo/savn/0k2hgpbr/nyggj-klukka-2-dyschirius_aeneus_akh-copy-287520736622764491.jpg?width=624&height=350&rmode=crop&s=S60UtCfiA1cDkVRbb3s2DQ90C-I)
Lesandi funnið nýggja klukku í Sandoynni
Í hesi vikuni hava lívfrøðilesandi á Náttúruvísindadeildini á Fróðskaparsetri Føroya verið á kanningarferð í Sandoynni, har tey funnu eina klukku, sum ikki áður er sæð í Føroyum
Alt millum himmal og jørð kann henda, tá ein lesur lívfrøði, og tað ásannaðu lesandi á Náttúruvísindadeildini hesa vikuna, tá tey vóru á kanningarferð í Sandoynni
Tey kalla tað feltskeið, og tey lesandi settu skordýrafellur ymsastaðni kring oynna.
Í fellunum, ið vóru kannaðar mikudagin, funnu tey eitt nýtt slag av svartaklukku (Carabidae). Hendan slektin, ið kallast Dyschirius, er ikki funnin í Føroyum áður.
Enn hava tey ikki staðfest, hvat slag hendan svartaklukkan er, men klukkur í hesi slektini eru umleið fimm millimetrar langar, eru mjáar um miðjuna og hava staput frambein at grava við.
Allarflestu sløgini í hesi slektini liva í sandmold tætt við sjógv. Har grava tær holur at liva í og veiða smáar skildisklukkur.
Fleiri myndir koma seinni, tá tey við vissu hava staðfest slagið.
Lesandi á Náttúruvísindadeildini á lívfrøðiligari kanningarferð í Sandoynni
Hendan kanningarferðin verður skipað í samstarvi við Tjóðsavnið, sum hevur ábyrgdina av undirvísingini um skordýr. Hendan nýggja klukkan, sum funnin er, verður givin Tjóðsavninum til víðari kanningar.
Til ber enn at søkja um lestrarpláss á lívfrøðiútbúgvingini á Setrinum.
Umsóknarfreist er á midnátt 1. juli.
Lesið meira um tað her.
- 28.06.2024211 setursprógv, myndir og røðurNú árið er gjørt upp eftir prógvhandarnirnar, hava 211 fi...
- 28.06.2024 Setrið Lestrarskrivstovan- Kom og les á okkara universitetiNú nærkast umsóknarfreistin at søkja um lestrarpláss á Fr...
- 27.06.2024 Setrið FøroyamálsdeildinNú er føroyskt á Google TranslateÍ samstarvi við Máltøknidepilin á Fróðskaparsetrinum hevu...