![](https://setur.cdn.fo/savn/3164/picture-6_1.jpg?width=624&height=350&rmode=crop&s=bAoZ6WhpK5lGN8htcowe3OsBnTk)
LFÚ-ráðgevingin flutt
Tá skrivstovan við LFÚ-ráðgevingini lat aftur 1. juli í ár, varð virksemi tess flutt til Fróðskaparsetur Føroya.
LFÚ-kort fáast við at venda sær til Setursskrivstovuna, sum er miðfyrisitingin hjá Fróðskaparstri Føroya, og lestrarvegleiðing fæst á Altjóða Skrivstovuni, ið nú er partur av Fróðskaparsetri Føroya.
Avsláttarkort fyri lesandi:
Altjóða samleikakort fyri lesandi, ið áður vórðu nevnd LFÚ-kort, fáast nú við at venda sær til Setursskrivstovuna, ið húsast í sama bygningi á Debesartrøð sum Altjóða Skrivstovan, t.e. í J.C. Svabos gøtu 14. Hetta ID-kort, ið hevur styttingina ISIC (International Student Identity Card), gevur lesandi avsláttur á ymsum støðum, søvnum o.m.ø. kring heimin og her heima við. Um tú ynskir at ogna tær eitt tílíkt ISIC-kort, ið kostar kr.100, verður tú vinarliga biðin um at skriva til heller@setur.fo
Lestrarvegleiðing:
Altjóða Skrivstovan hevur opið yrkadagar millum 10 og 16, tó mikudag til kl. 18. Heimasíðan er www.ask.fo. Við yvirtøkuni av LFÚ-ráðgevingini ynskir Altjóða Skrivstovan at undirstrika, at øll fólk – ung, tilkomin og eldri, við ella uttan miðnámsútbúgving/útbúgving – sum ynskja upplýsing um lestur, skeið, eftirútbúgving og onnur viðurskifti við tilknýti til útbúgving, úti í verð ella her heima, eru vælkomin at venda sær til Altjóða Skrivstovuna. Vegleiðing fæst við at ringja á tel. 322065, við at senda ein teldupost til ask@ask.fo, ella við at vitja á skrivstovuni – fegin eftir avtalu.
Sum partur av Fróðskaparsetri Føroya, ið eisini fevnir um Føroya Læraraskúla og Sjúkrarøktarfrøðiskúla Føroya, veitir Altjóða Skrivstovan almenna vegleiðing til lesandi á Setrinum, t.d. tá talan er um skiftislestur í ávíst tíðarskeið í øðrum londum. Fakliga vegleiðingin fer framhaldandi fram á deildum Setursins.
Umframt at fáa almenna lestrarvegleiðing ber til at venda sær til Altjóða Skrivstovuna við spurningum um Nordplus, ið er ein útbúgvingarskipan hjá Norðurlendska Ráðharraráðnum. Les meira um Nordplus á www.nordplusonline.org.
Komandi tiltøk:
Árliga tiltakið Markleys Útbúgving (MÚ), ið vendir sær til allar miðnámsskúlanæmingar í fráfaringarflokkunum, verður á Hotel Føroyum fríggjadagin 10. september 2010. Nærri verður lýst við hesum tiltaki seinni.
Fyri eisini at røkka tí málbólki, ið ætlar at søkja um upptøku til útbúgving umvegis sonevndu Kvotu-2 skipanina í Danmark í 2011, fer Altjóða Skrivstovan at skipa fyri kunningarátøkum áðrenn umsóknarfreistina í mars næsta ár. Nærri verður lýst við hesum tiltøkum seinni.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...