Lívfrøðin hjá føroyskum vatnasílum
Lars Larsen Black kundi hósdagin 15. juni kalla seg bachelor í lívfrøði, eftir sína seinastu próvtøku á Fróðskaparsetrinum.
Bachelorverkætlanin hjá Lars er ein vistfrøðilig kanning av vatnasílum í trimum føroyskum vøtnum; Toftavatn, Leitisvatn og Sandsvatni. Higartil eru fáar tílíkar kanningar gjørdar av føroyskum sílum. I verkætlanini lýsir Lars tað grundleggjandi lívfrøðina hjá sílunum í teimum trimum vøtnunum. Sílini vórðu fingin við gørnum, sum vórðu sett ymisk tíðarskeið á vøtnunum. Fyri hvørt sílið vóru longd og vekt mátað og aldurin var lisin frá nitrunum. Sílini vórðu síðan i kruvd, kynið varð kannað og búningarstigið á sílinum staðfest. Livurin var vigað og magin tikin til neyvari kanningar av, hvat sílini høvdu etið. Eisini varð hugt eftir, hvørjir parasittar vóru í sílunum.
Sílini
Tey størstu sílini vórðu fingin á Sandsvatni. Miðalstøddin á hesum sílunum var 32 cm og vigaðu 307 g. Tey smæstu sílini vóru á Toftavatni, tey vóru í miðal 25 cm til longdar og vigaðu 153 g. Várflugularvur og aðrar flugularvur var tann mesta vanliga føðin hjá sílunum.
Sum flestar verkætlanir inna náttúruvísindi, hevur Lars eisini skrivað sína bachelorverkætlan á enskum máli. Verkætlanin ber heitið ‘Investigation of brown trout (Salmo trutta) in three Faroese lakes’.
Les uppgávuna her (pdf-fíla; 5,5 KB).
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...