![](https://setur.cdn.fo/savn/7484/føroysk-mállæra3.png?width=624&height=350&rmode=crop&bgcolor=fff&format=jpg&s=iIsIsTMw75_wr9NNNPFD9SBfV_U)
Ljóðlæran hjá Hjalmari útkomin
Nám hevur givið út bókina, "Føroysk mállæra 3. Ljóðlæra" eftir Hjalmar P. Petersen, professara í málvísindum á Føroyamálsdeildini á Fróðskaparsetri Føroya
Bókin er 96 blaðsíður, og er, sum heitið sigur, um ljóð í føroyskum.
Fyrst verða tey mest grundleggjandi heitini kunnað, og síðani verður farið neyvari ígjøgnum sjálv- og hjáljóð. Eisini er eitt kapittul um herðing og eitt um máltóna.
Fyrr hevur Nám givið út bøkurnar "Føroysk mállæra 1. Kyn, orðmyndan og bending" (243 bls.) og "Føroysk mállæra 2. Grunddrøg í føroyskari syntaks" (470 bls.).
Hjalmar P. Petersen, høvundur, fekk M.A. Jacobsen virðisløn fyri yrkisbókmentir 2020 fyri tey fyrstu tvey bindini. Í grundgevingini varð m.a. sagt, at bøkurnar "... eru skrivaðar við støði í nútímans almennum ástøði um mál og í føroyskari málgransking í hesi øldini. Bøkurnar geva eina góða mynd av føroyskum máli í dag og eru týðandi íkast í mállærubókmentirnar".
Hjalmar P. Petersen er professari í málvísindum á Føroyamálsdeildini
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...