![](https://setur.cdn.fo/savn/3330/csm_logkon_a_setrinum1_4324112138.jpg?width=624&height=350&rmode=crop&s=NHeM_CyLGOe4uHH2Dcfy60GqQQY)
Løgfrøði í menning á setrinum
Í heyst hevur borið til at lisið løgfrøði fulla tíð á masterstigi.
Í heyst hevur borið til at lisið løgfrøði fulla tíð á masterstigi.
Søgu- og samfelagsdeildin beyð út fýra fak, kollektivan arbeiðsrætt (10 ECTS), kommunurætt (5), skattliga skuld (5) og brúkaralóg (10).
Harumframt var serskeið í at skriva ritgerð, umframt vegleiðing fyri føroysk lesandi uttanlands. Tí verða væntandi fleiri spennandi ritgerðir at síggja um føroysk evni.
Í samband við fakini vóru fleiri almenn tiltøk, harímillum hildu Niels Waage, danskur dómari, og Gísli Tryggvason, íslendskur brúkaraumboðsmaður, almennar fyrilestrar.
Í vár verður útboðið heldur minni, Grundskeið í lóg, sera vælumtókta fakið á bachelorstigi, og Fyrisitingarlóg á masterstigi - umframt møguliga okkurt styttri skeið.
Stóra talið av lesandi eru fólk ið vilja eftirútbúgving innan viðkomandi evni ella tørva lógkunnleika sum part av aðrari útbúgving.
Men fleiri taka eisini fak á Fróðskaparsetrinum sum part av útlendskari útbúgving, serliga cand. jur. í Keypmannahavn.
Verður undirtøka framhaldandi stór, er ætlanin at skipa masterútbúgving á Fróðskaparsetrinum, serliga ætlað fólki við aðrari akademiskari bakgrund, ið hava tørv á eftirútbúgving í løgfrøði og stjórnamálafrøði til tess at røkja fyrisitingarlig størv.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...