![](https://setur.cdn.fo/savn/3907/randi_ma_turid_vegl.jpg?width=624&height=350&rmode=crop&s=wVhrl1N7KlrKsFLe7Kfd29Vx55w)
MA-prógv í føroyskum
Randi S. Vang hevur lokið MA-prógv í føroyskum.
Hósdagin 13. mars helt Randi meistarafyrilestur, sum er seinasti partur av MA-námi á Føroyamálsdeildini. Fyrilesturin hevði heitið:
“Hvussu tulkar bókmentaverkið Rökkurbýsnir eftir Sjón hugmyndaheim 17. aldar?”
Fyrilesturin roknast sum vikuarbeiði (2 ECTS). Vegleiðarin orðar fyrilestrarevnið við støði í MA-ritgerðini hjá studentinum.
Heitið á ritgerðini hjá Randi er “Galdrar & guðsmenn í Rökkurbýsnum. 17. øldin lýst í modernaðari íslendskari skaldsøgu eftir Sjón”.
Í fyrilestrinum handfór Randi tann setta spurningin væl og virðiliga, lýsti bæði skaldsøguna og tíðina, sum skaldsøgan er pallsett í. Hon knýtti hegnisliga tað søguliga tíðarskeiðið yvirskipað í tað ítøkiliga í tekstinum hjá Sjón. Samanumtikið gav fyrilesturin eina kveikjandi og viðkomandi viðgerð av Røkkurbýsnum, sum Randi so rámandi týddi við orðinum Øgilsskýming.
Vit ynskja Randi hjartaliga til lukku við próvnum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...