![](https://setur.cdn.fo/savn/3432/csm_vestnordisk_sprakkontakt34_becdd2f03c.png?width=624&height=350&rmode=crop&bgcolor=fff&format=jpg&s=NywIzUnjlO3YWyN_3qcID9pWUCk)
Mál byggir tjóðir
Nýtt greinasavn um norskt, føroyskt og íslendskt mál.
Sambandið millum málfrøði og tjóðarbygging er eitt av evnunum, sum verður viðgjørt í nýggjum greinasavni um norskt, føroyskt og íslendskt mál. Savnið, sum Gunnstein Akselberg og Edit Bugge hava ritstjórnað og sum “Fróðskapur” gevur út, eitur Vestnordisk språkkontakt gjennom 1200 år.
Í savninum eru 17 vísindaligar greinir, sum viðgera ymisk viðurskifti og sambond millum vesturnorðurlendsku málini, bæði úr søguligum og úr samtíðarligum sjónarhorni.
Íkastið úr Føroyum eru greinir eftir 3 granskarar á Føroyamálsdeildini: Turið Sigurðardóttir viðger serligu avbjóðingarnar, ið standast av at týða millum nær skyld mál og teir mentanarpolitisku samanbrestir, sum útgávan av eini barnabók í føroyskari týðing elvdi til í 1914. Anfinnur Johansen greiðir frá søguni hjá norrønu nøvnunum í føroyskari navnagávu, úr víkingaøld til í dag og Jógvan í Lon Jacobsen skrivar um tað at tosa málføri í einum lítlum málsamfelag.
Umrøða av greinasavninum í “Bergens Tidende” 26.3 í pdf.
![](/fileadmin/user_upload/news/vestnordisk_sprakkontakt2.png)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...