![](https://setur.cdn.fo/savn/7586/screenshot_2021-05-19-live-författarsamtal-mellan-heidi-von-wright-och-lív-maria-róadóttir-jæger.png?width=624&height=350&rmode=crop&bgcolor=fff&format=jpg&s=3kXKWSRUclOh0RZSX-8JC3smkx8)
Malan spyr Lív og Heidi um yrkingar
Beinleiðis stroyming: Klokkan 17 í dag fer Malan Marnersdóttir, professari á Føroyamálsdeildini, at tosa við Lív Mariu Róadóttir Jæger og Heidi von Wright um yrkingasøvn teirra, sum eru í uppskoti at fáa norðurlendsku bókmentaheiðurslønina
Leinki til stroymin, sum verður tendraður klokkan 17:00 seinnapartin í dag, er her.
Lív Maria Róadóttir Jæger er tilnevnd at fáa norðurlendsku bókmentaheiðurslønina fyri sítt yrkingasavn, Eg skrivi á vátt pappír, og Heidi von Wright fyri sítt savn, sum eitur Autofiktiva dikt.
Í hesum sambandi fer Malan Marnersdóttir, professari í bókmentum á Fróðskaparsetrinum, seinnapartin at hava samrøðu við tær báðar um yrkingasøvnini. Samrøðan verður á skandinaviskum.
Lív Maria Róadóttir Jæger fekk í fjør M.A. Jacobsens virðisløn fyri yrkingarnar á váta pappírinum, sum nú skulu vigast á norðurlendsku vágskálini í kappingini um at fáa bókmentaheiðursløn Norðurlandaráðsins.
Tá hevði Ingi Rasmussen í Kringvarpinum samrøðu við hana, og undir yvirskriftini, Tá omman verður poesi, segði Lív Maria Róadóttir Jæger m.a.:
- Tað er fantastiskt at skriva. Tað er gevandi, og tað er ein máti at nærkast lívsins spurningum.
Hoyrið samrøðuna í Nón her.
Og minnist til at tendra norðurlendska stroymin klokkan 17 í dag.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...