![](https://setur.cdn.fo/savn/7847/høvuðsskrivstovan-4-rætting.jpg?width=624&height=350&rmode=crop&s=X8NymrfaQi-OGhUOal5fMsSqA4Y)
Metstórt tal av prógvum frá Setrinum í ár
Ongantíð áður hevur Fróðskaparsetur Føroya latið so mong prógv sum nú í 2022. 165 hava staðið prógv í ár, og hetta er met
Norðurlandahúsið verður vakur karmur um eitt satt hátíðarhald 24. juni, tá Chik Collins, rektari, fær heiðurin av at handa eina ørgrynnu av nýggjum prógvum.
Tølini frá Lestrarskrivstovuni á Setrinum vísa, at í ár hava 165 kvinnur og menn staðið prógv.
125 hava staðið bachelorprógv, 18 masterprógv og 22 hava staðið onnur prógv, so sum hjánám, ískoytisprógv o.a.
Síðani seinastu prógvhandan á sumri 2021 hava 59 onnur staðið prógv, og hesi verða eisini hátíðarhildin í Norðurlandahúsinum fríggjadagin 24. juni. Hetta merkir, at samanlagt hava 224 lesandi staðið prógv á Fróðskaparsetri Føroya seinastu 12 mánaðirnar.
Enn eru tølini fyri hesi 59 ikki útgreinað eftir slagi av útbúgvingum, og tí vísir talvan niðan fyri ikki alla myndina. Til dømis stendur í talvuni, at bara ein hevur staðið bachelorprógv í KT-verkfrøði, men í veruleikanum hava seks fingið hetta prógvið, tá vit hyggja eftir lestrarárinum, tí fimm teirra fingu prógv í seinnu helvt av 2021. Tølini fyri alt lestrarárið verða kunngjørd í næstum.
Stuttligt er eisini, at søga verður skrivað við tað, at hetta er fyrstu ferð, at Setrið útskrivar bachelorprógv í listaligum arbeiði og í løgfrøði.
Prógv til prógvhandanina 24. juni 2022:
21 bachelor í sjúkrarøktarfrøði
5 master í heilsuvísindum
3 master í fólkaheilsu
4 bachelor í føroyskum
1 hjánám í føroyskum
8 bachelor í listaligum arbeiði (TEY FYRSTU, SUM FÁA PRÓGV)
35 bachelor sum fólkaskúlalærari
28 bachelor sum námsfrøðingur
6 ískoytisprógv fyri lærarar
1 ískoytisprógv fyri námsfrøðingar
14 prógv á masterstigi í námsfrøðiligari útbúgving av lærarum á miðnámsskúlum, yrkisskúlum og vinnuskúlum
1 bachelor í KT-verkfrøði
1 bachelor í vistfrøði
7 bachelor í búskaparfrøði
12 bachelor í løgfrøði (TEY FYRSTU, SUM FÁA PRÓGV)
1 bachelor í politikki og umsiting
3 bachelor í samfelagsvísindum
4 bachelor í søgu
2 master í politikki og umsiting
4 master í sosialvísindum og samfelagsplanlegging
4 master í søgu
Tilsamans 165 prógv í 2022
Lesið meira um skránna fyri prógvhandanina her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...