![](https://setur.cdn.fo/savn/3888/allar_susanna_syngur_3.jpg?width=624&height=350&rmode=crop&s=cs98GTIs7dYriK6QeZ68H6r-EfQ)
Millum mussarnar
Í dag byrja sýningarnar um kærleika og forelskilsi, sum annað árs læraralesandi á kreativu breytini á Námsvísindadeildini standa fyri.
Talan er um eina framførslu av søgum og sangum tey sjálvi hava sett saman, og sum tey kalla Millum mussarnar.
Ein partur av kreativu breytini er “Framførsla – lær at standa fram”. Í ár eru tey 7 lesandi í bólkinum. Framførslan er samansett av styttri søgum og sangum um kærleika, frá ymiskum tíðarskeiðum og úr ymiskum sjónarhornum. Viðgjørd verða fleiri evni og millum tey eru at gerast upp á vegin, biograftúrar og forelskilsi, søgur úr gomlum døgum um kærleika og so tað ikki at kenna til kærleika.
Framførslan Millum mussarnar er ætlað ungum fólki í 7. – 9. flokki og hesa vikuna, dagarnar frá 17. til 21. februar, fara tey at hava 5 framførslur fyri næmingum í fólkaskúlanum.
Súsanna Torgarð hevur verið gestalærari. Hon hevur verið leikstjóri, og hevur eisini havt raddarvenjing og lagt teimum lesandi lag á við handritinum. Eisini hava tey fingið tveir tónleikarar at spæla undir. Teir eru Arnbjørn Sivertsen á guitar og Hilmar Joensen á harmoniku.
Í komandi viku, eftir at framførslurnar eru lidnar, fara tey 7 lesandi, við útgangsstøði í arbeiðsgongdini, undir at skriva próvtøkuuppgávu um evnið. Tað eru tey bæði Noomi í Dali og Sjúrður Hansen, sum undirvísa á kreativu breytini.
Tær 7 lesandi sum eru í bólkinum eru:
- Vibeka Michaelsdóttir
- Alice Tausen
- Súsanna Brekku
- Ruth Norðgerð Sevdal
- Hallfríð Hammer í Hjøllum
- Anja Holm
- Vígdis Berg
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...