![](https://setur.cdn.fo/savn/3805/modernadir_teoretikarar.jpg?width=624&height=350&rmode=crop&s=i85_xaT3D-y3BcxkluQXOeQrg9c)
Modernaðir teoretikarar sum e-bók
Á vári 2004 skipaðu Fróðskaparfelagið og Fróðskaparsetrið fyri fyrilestrarøð við heitinum ”Modernaðir teoretikarar”. Fyrilestrarnir vóru skrivaðir til greinir, sum komu út í bók í 2005. Hon hevur verið útseld eina tíð, men fæst nú aftur sum e-bók
Allar greinirnar í bókini viðgera ástøðingar og ástøði, sum høvdu stóra ávirkan í 20. øld og enn eru eins viðkomandi. Fýra greinir, tær hjá Jonathan Schwartz, Hans Andrias Sølvará, Firouz Gaini og Turið Sigurðardóttur, greiða frá ástøði hjá einum ávísum teoretikara og seta hann í størri høpi. T.d. greinir um Max Weber, Foucault, Gellner og Said.
Hinar fýra greinirnar leggja dent á bæði kat unna um ástøði og geva dømi um, hvussu tað verður nýtt. Guðrun Gaard kunnar um dialogástøðið hjá Martin Buber og greinir síðan yrkingar eftir Regin Dahl. Malan Marnersdóttir greiðir frá ástøðinum hjá Gérhard Genette og Juliu Kristeva um, at allir tekstir eru partur av einum tekstkorpusi og greinir síðan eina yrking eftir Carl Jóhan Jensen út frá tí. Bergur Rønne Moberg umrøðir ta hermeneutisku listfrøðina hjá Ricoeur út frá spurninginum um mýtu og modernaðan tilvísingartrupulleika og lýsir hesa listfrøðina í viðgerð av stuttsøguni ”Grylen” eftir William Heinesen. Erika Anne Hayfield kunnar um ymisk ástøði viðvíkjandi brúki hjá børnum.
Turið Sigurðardóttir, lektari á Føroyamálsdeildini, hevur ritstjórnað Modernaðir teoretikarar, sum er ætlað studentum, næmingum í teimum hægru skúlunum og øðrum áhugaðum. Bókin fæst til keyps á Vitra fyri 98 kr.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...