![](https://setur.cdn.fo/savn/3728/csm_nad_f86d118148.jpg?width=624&height=350&rmode=crop&s=KKuuTpLy5btj4id8-z4TCGnMiC8)
Námsvísindadeildin við í granskingarverkætlan
Granskingarráðið hevur játtað at stuðla NIRI-granskingarverkætlanina (Námsfrøðiligar Inkluderandi Ráðgevandi samtalur’s Impact).
Verkætlanin hevur til endamáls at kanna úrtøkuna av ráðgevingarsamrøðum við námsfrøðingar í dagstovnum viðv. børnum, sum hava serligan tørv.
Slíkar ráðgevandi samrøður eru settar í gongd á pedagogiska økinum síðstu ára-tíggini og eru enn ikki granskaðar fult út í altjóða høpi. Hesar ráðgevandi samrøður fylgja einum hugsanarhátti, har dentur er lagdur á at geva hjálp so skjótt sum gjørligt, og at børn við trupulleikum skulu ikki útihýsast frá vanligum dagstovnum.
Í NIRI verður granskað í hvørji viðurskifti fremja góða úrtøku, og hvørji viðurskifti forða góða úrtøku av slíkum ráðgevingarsamrøðum. Sostatt eru høvuðsevnini í granskingarverkætlanini ráðgeving og inklusión.
Verkætlanin verður umsitin av Institut for Psykologi og Uddannelsesforskning á Roskilde Universitet í samstarvi við Námsvísindadeildina á Fróðskaparsetur Føroya og Barna- og Ungdómsdeildina hja Tórshavnar kommunu. Jóhannes Miðskarð, PhD, er verkætlanarleiðari, og Katrin av Kák, sálarfrøðingur og námslektari á námsvísindadeildini luttekur sum ráðgevi.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...