Nordic Welfare ráðstevna í Reykjavík
Tann 7. og 8. november skipaði NORA fyri ráðstevnu í Reykjavík við heitinum: Nordic Welfare: The North Atlantic Way.
Ráðstevnan snúði seg um vælferðarsamfelagið og tær avbjóðingar, sum hetta samfelagið stendur fyri í framtíðini. Fleiri enn 20 fyrilestrarhaldarar úr skandinavia og londunum í útnorði hildu framløgur um vælferðarsamfelagið úr ymiskum breiðum sjónarhornum, m.a. búskaparligum, søguligum og altjóða høpi, umframt úr fleiri meira ítøkiligum sjónarhornum, m.a. familju, almannaveiting og undirvísing.
Fleiri føroyskir fyrilestrarhaldarar luttóku á ráðstevnuni. Hans Andrias Sølvará, lektari í søgu á Søgu og samfelagsdeildini, helt framløgu um føroyska vælferðarsamfelagið í breiðum søguligum høpi, Beinta í Jákupsstovu, lektari í stjórnmálafrøði við Universitetið í Molde, helt framløgu um leiklutin hjá familjuni í serliga føroyska vælferðarsamfelagnum, Jógvan D. Hansen, heimspekingur, helt framløgu um etiskar spurningar viðvíkjandi nýtslu av robottøkni í røktini, Petra J. Joensen, stjóri á Almannaverkinum, helt framløgu um heilsu og almannaveitingar og Magnus Tausen, stjóri á NÁM, helt framløgu um undirvísing.
Einir 90 luttakarar úr flest øllum Norðurlondum luttóku á ráðstevnuni.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...