![](https://setur.cdn.fo/savn/4445/klaksvik_international_day.jpg?width=624&height=350&rmode=crop&s=46i-ovy49yJlCrqfl37C2p5l7Ck)
Nordplus lagt nýggja fimm ára skrá
Kunningartiltøk verða í Føroyum seinni í heyst
5. oktober var hálvárligi fundurin í programmnevndini hjá Nordplus. Holger Arnbjerg frá Altjóða Skrivstovuni var við á fundinum sum annar av føroysku eygleiðarunum, tilnevndur av Mentamálaráðnum.
Á fundinum, sum varð hildin í Riga, var tilmælið fyri fimmáraskeiðið 2017-2021 til viðgerðar. Eitt av evnunum í hesum tíðarskeiðnum, sum fer at verða raðfest, eru verkætlanir, ið snúgva seg um tilflytarar og flóttafólk.
Umsóknir til øll Nordplus-programmini í 2017 skulu verða inni í seinasta lagi 1. mars 2017. Fleiri upplýsingar eru at finna á heimasíðuni hjá Nordplus.
Dagarnar 30. november og 1. desember verður Malena Vangdrup frá Nordplus-fyrisitingini í Føroyum. Hon fer at hava fundir við Nordplus-áhugað, eins og hon fer at vitja Nordplus-verkætlanir, sum eru í gongd.
Eitt av tiltøkunum verður ein sonevndur stórfundur í Norðurlandahúsinum 30. november kl. 19.30. Seinni verður kunnað nærri um tiltakið.
![](/fileadmin/user_upload/news/Nordplus.png)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...