![](https://setur.cdn.fo/savn/6617/hans-andrias-sølvará.jpg?width=624&height=350&rmode=crop&s=z9Kj2naM_dURxtiIE6S0kNKwmVA)
Nýggj bók eftir Hans Andrias
Hans Andrias Sølvará, dekanur og professari í søgu á Fróðskaparsetrinum, kemur nú við síni 10. bók. Hesaferð um Føroyar eftir friðin í 1814
Bókin, sum er ein av teimum 100 Danmarkarsøgunum í røðini hjá Aarhus Universitetsforlag, kemur út 9. juli og eitur "Færøerne efter freden - 1814".
Hetta er tíggjunda bókin, sum Hans Andrias Sølvará, dekanur og professari í søgu, letur úr hondum, og tey, sum eru forvitin og ikki kunnu bíða til útgávudagin, kunnu lesa brot úr henni HER.
Í brellbitanum er m.a. ein forvitnislig endurgeving av frásøgn hjá fyrrverandi sorinskrivaranum í Føroyum, dananum Johan Christian Helms, í 1919. Hann er aftur í Danmark og greiðir eini nevnd í landstinginum frá um føroyska samhugan við Noreg og um donsku líkasæluna við Føroyar.
Á baksíðuni skrivar ritstjórin, at flestu danir hava gloymt, at tað var ein tilvild, sum gjørdi, at Føroyar hildu fram at vera danskar, tá Danmark misti Noreg í 1814.
Umframt at skriva bøkur, hevur Hans Andrias Sølvará eisini lagt nógvar vísindaligar greinar úr hondum.
Tær kunnu lesast HER.
Í sambandi við bókaútgávuna verður framløga á kaffistovuni, Panamé í miðbýnum í Havn hóskvøldið 9. juli klokkan 19, har Kristianna W. Poulsen fer at hava samrøðu við Hans Andrias Sølvará. Tiltakið er ókeypis.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...