![](https://setur.cdn.fo/savn/5153/lívfrøðilesandi.jpg?width=624&height=350&rmode=crop&s=Pimtea8ylUwOD16m_LiivxGFAo0)
Nýggj lívfrøðilesandi
Í ár hava 12 tikið av lestrartilboði í lívfrøði á Náttúruvísindadeildini.
Av hesum lesa 5 mýlalívsvísindi, 4 vistfrøði og 3 havlívfrøði. Innleiðsla fyri hesi, eins og fyri øll nýggj lesandi á Setrinum, byrjaði mánadagin 20. august, og vórðu tey boðin vælkomin og ymisk hent kunning varð givin.
Hesi nýggju lívfrøðilesandi fara at hava sína dagligu gongd í Sjóvinnuhúsinum, har Náttúruvísindadeildin nú heldur til. Mikudagin í somu viku skipaðu mentorarnir fyri morgunmati og síðani postarenning í Sjóvinnuhúsinum, soleiðis at tey nýggju lesandi lærdu húsið at kenna og fingu eitt gott innlit í, hvussu tað verður brúkt. Eftir ein góðan miðmála var spurnakapping á skránni. Dagurin var sera væleydnaður, og vit á Náttúruvísindadeildini vilja takka mentorunum fyri hetta frálíka tiltakið.
Vit ynskja teimum nýggju lesandi hjartaliga vælkomnum á Náttúruvísindadeildina.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...