Nýggja Búskaparráðið skipað

Sverri Hansen heldur fram sum formaður í nýggja Búskaparráðnum, sum hevur ein nýggjan lim

Á fundi hósdagin 29. desember 2016 hevur nýggja Búskaparráðið skipað seg við Sverra Hansen,
cand.oecon., sum formanni, og Herit Albinus,  MSc Econometrics & Mathematical Economics,
sum næstformanni. Nývald sum limur í Búskaparráðnum er Ester Hansen, cand.polit.

Skrivarar ráðsins er teir somu: Ólavur Christiansen, cand.polit. og PhD, er skrivari í fulla tíð,
og Hallur Markná, cand. polit., er skrivari í hálva tíð.