![](https://setur.cdn.fo/savn/4588/csm_heini_i_skoruni_0266ebeea5.jpg?width=624&height=350&rmode=crop&s=o4Vu_VDLV_gtRe_xd70azmzbvr4)
Nýggjur adjunktur á Søgu og samfelagsdeildini
Heini í Skorini er settur í starv sum adjunktur á Søgu- og samfelagsdeildini
Heini í Skorini er 34 ár. Hann hevur ph.d.-prógv í altjóða politikki frá King's College, University of London. Umframt hetta er hann Mphil í altjóða politikki og MA í religiónsvísindi frá sama universiteti, og hann hevur BA- prógv í stjórnmálafrøði frá Københavns Universitet og Fróðskaparsetri Føroya. Í vár vardi hann sína ph.d.-ritgerð í altjóða politikki, og ritgerðin snúði seg um samanstoytin ímillum átrúnað øðrumegin og talufrælsið hinumegin. Í 2016 hevur Heini undirvíst á Setrinum í skeiði um mannarættindi og religión, og hann hevur skrivað greinar í akademiskar bókaútgávur á Routledge University Press og University of Pennsylvania Press. Umframt útbúgvingarpartin hevur Heini drúgvar royndir sum journalistur fyri føroyskar og danskar miðlar.
Heini í Skorini hevur arbeitt í danska fólkatinginum, á føroysku útlendingastovuni og verið prosjektsettur fyri danska uttanríkisráðið.
Heini tekur við adjunktstarvinum 1. november 2017.
![](/fileadmin/_processed_/1/b/csm_Heini_i_Skoruni_0266ebeea5.jpg)
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...