![](https://setur.cdn.fo/savn/4613/csm_bergur_roenne_moberg_e829ddf229.jpg?width=624&height=350&rmode=crop&s=OQwgMKZMjINKSIYfJ_iHaCeUqOo)
Nýggjur lektari á Føroyamálsdeildini
Bergur Rønne Moberg er settur í starv sum lektari í bókmentum á Føroyamálsdeildini.
Bergur Rønne Moberg er 52 ára gamal. Hann hevur í fleiri ár verið knýttur at universitetinum í Keypmannahavn, fyrst sum ph.d.-studentur og síðani sum post. doc. og eksternur lektari. Ph.d.-ritgerð hansara í 2004 var um ritverk William Heinesens, At genfortrylle verden: En hermeneutisk undersøgelse af tabets dynamik i William Heinesens senprosa.
Seinnu árini hevur hann m.a. kannað hugtakið heimsbókmentir, og saman við David Damrosch, Harvard University, hevur hann gjørt og brúkt hugtakið “ultraminor literatures” í viðgerðini av bókmentum, t.d. úr londum sum Føroyum, í heimsbókmentaligum høpi.
Umframt royndir sum granskari hevur Bergur drúgvar undirvísingarroyndir. Í 2008 tók hann adjunktpedagogikum.
Bergur Rønne Moberg byrjar í starvinum 1. januar 2018.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...